Warn­ock reynir að koma enn einu liðinu upp um deild

Neil Warnock er stjóri Middlesbrough. Reynsluboltinn tók við liðinu í júnímánuði og þessi 71 árs stjóri hefur í gegnum tímanna tvenna í boltanum.

Það eru fáir sem þekkja betur að koma liðum upp um deildir en Neil Warnock sjálfur. Hann á metið yfir að koma liðum upp um deildir en hann hefur komið átta liðum upp um deild í ensku deildarkeppninni.

Þegar Neil Warnock stýrði Aroni Einari Gunnarssyni og félögum í Cardiff upp í deild þeirra bestu tímabilið 2017/2018 tók hann metið af Dave Bassett, Graham Taylor og Jim Smith.

Hann hefur í fjórgang komið liðum upp í ensku úrvalsdeildina; Notts County 1990/1991, Sheffield United tímabilið 2005/2006, QPR 2010/2011 og Cardiff tímabilið 2017/2018 en í hin fimm skiptin gerði hann hið magnaða í neðri deildunum.

Middlesbrough byrjar í kvöld gegn Watford, sem féll úr ensku úrvalsdeildinni á síðustu leiktíð, en eins og síðustu ár verður sýnt frá ástríðunni á Stöð 2 Sport.

Leikurinn hefst klukkan 18.45 og er í beinni útsendingu á Stöð 2 Sport 2.

Þessum liður hefur Warnock komið upp um deild:

Scarborough 1986-87 (Upp Í EFL)

Notts County 1989-90 (Upp Í B-deildina)

Notts County 1990-91 (Upp í úrvalsdeildina)

Huddersfield 1994-95 (Upp í 2. deildina)

Plymouth 1995-96 (Upp í 3. deildina)

Sheffield United 2005-06 (Upp í úrvalsdeildina)

QPR 2010-11 (Upp í úrvalsdeildina)

Cardiff 2017-18 (Upp í úrvalsdeildina)