Rúmenar undirbúa sig fyrir leikinn við Ísland: Sjáðu alla Þjóðadeildaleikina

Ísland mætir Rúmeníu í umspili um laust sæti á EM í fótbolta í næsta mánuði en bæði lið eiga eftir að spila tvo Þjóðadeildaleiki áður.

Leikur Íslands og Rúmeníu fer fram á Laugardalsvellinum 8. október næstkomandi en það lið sem vinnur þann leik tryggir sér sæti í hreinum úrslitaleik um laust sæti á EM alls staðar sem fer fram sumarið 2021.

Rúmenar eru í B-deildinni og alls verða fjórir leikir spilaðir í henni í dag. Lars Lagerbäck og lærisveinar hans í norska landsliðinu eru líka að spila en þeir fá Austurríki í heimsókn til Osló.

Alls verða sjö leikir sýndir beint í Þjóðadeild UEFA í fótbolta hér á Vísi í kvöld en fyrsti leikur dagsins hófst mun fyrr.

Hægt er að horfa á útsendingar frá leikjunum með því að smella á viðeigandi hlekk hér að neðan. Útsendingarnar birtast neðst í textalýsingu hvers leiks, svo að lesendur gætu þurft að skruna niður í gegnum textalýsinguna til að finna beina útsendingu.

Leikir í beinni á Vísi:

A-deild

Ítalía - Bosnía

Holland - Pólland

B-deild

Rúmenía - Norður-Írland

Skotland - Ísrael

Noregur - Austurríki

Slóvakía - Tékkland

C-deild

Hvíta Rússland - Albanía

Leikirnir hefjast eins og fyrr segir allir kl. 18.45.