Núverandi 7 lína felur í sér tvinnbíl en engan hreinan rafbíl.Vísir/BMW
BMW hefur staðfest að næsta kynslóð af 7 línunni muni innihalda hreinan rafbíl. Línan mun því innihalda bensín-, dísil-, tvinn- og rafbíla.
Rafmótorinn verður af fimmtu kynslóð rafmótora frá BMW, sá sami og er í væntanlegum iX3 og i4 sem væntanlegir eru á næsta ári. Mótorinn mun skila i4 526 hestöflum. Það jafnast á við V8 vélar í nýlegri sögu BMW.
Hér að neðan er myndband af hugmyndabílnum i4.
Slíkt afl myndi henta vel í 7 línuna. Í i4 á mótorinn að skila hröðun frá 0-100 km/klst. á um fjórum sekúndum og komast um 600 km. á hleðslunni. Eitthvað mun hröðunin þó minnka og drængin sömuleiðis þegar mótorinn verður settur í lúxusbíl. Það er þó ekki öruggt.
Svissnesk yfirvöld bönnuðu á föstudag í síðustu viku samkomur þar sem þúsund eða fleiri munu koma saman. Ástæðan er ótti um frekari útbreiðslu kórónaveirunnar. Af þessu leiðir að bílasýningunni í Genf hefur verið aflýst.
BMW tilkynnti í september í fyrra að það stæði til að hætta framleiðslu á tengiltvinn sportbílnum i8. Nú hefur verið staðfest að framleiðslan hættir í apríl.
