Tap í fyrsta leik hjá liði Beckham

Nýja liðið hans David Beckham í bandarísku MLS-deildinni, Inter Miami, fékk ekki neina draumabyrjun í nótt er fyrsti leikurinn í sögu félagsins tapaðist.

Leikurinn var á útivelli gegn Los Angeles FC og tapaðist 1-0. Það var Carlos Vela sem skoraði eina mark leiksins.

Beckham er einn af eigendum Inter Miami og er þess utan forseti knattspyrnumála hjá félaginu. Þetta var því ansi stór dagur í hans lífi.

Lið hans þarf þó ekkert að skammast sín fyrir frammistöðuna gegn Los Angeles FC sem er eitt af sterkari liðum deildarinnar.

Beckham mætti með eiginkonu sína, Victoriu, á leikinn sem og son þeirra, Brooklyn.

Það var langmestur áhugi á þessum leik af öllum leikjum fyrstu umferðar og hefur ekki verið eins mikill áhugi á miðum á leik í MLS-deildinni í tíu ár.