Ýmir Örn Gíslason er ein af stjörnum íslenska liðsins á EM en hann hefur sprungið út í Malmö og farið á kostum í vörn íslenska liðsins.
„Það þýðir ekkert að láta síðasta tap trufla sig. Nú er bara að gera betur næst,“ sagði Ýmir Örn ákveðinn en Ísland á að minnsta kosti fjóra leiki eftir og er aðeins búið með þrjá.
„Það eru hörkuleikir fram undan í þessum milliriðli og það kemur ekkert annað til greina en að vinna þá.“
Það var ekkert auðvelt hjá Ými og félögum að glíma við stóran línumann Ungverja og nú fá þeir álíka lurk frá Slóveníu til þess að glíma við.
„Við þurfum að vera duglegri við að ýta honum upp. Slá meira á hendurnar. Vera meira pirrandi ef eitthvað er og fastari. Reyna að komast upp með það.“
Ýmir Örn: Þurfum að vera meira pirrandi
Tengdar fréttir
Dolenec: Við Aron verðum ekki vinir á vellinum
Liðsfélagi Arons Pálmarssonar hjá Barcelona, Jure Dolenec, bíður spenntur eftir því að spila gegn Aroni og íslenska liðinu á morgun.
Elvar og Ýmir slegið í gegn í vörninni: Erum báðir nógu brjálaðir
Varnarleikur íslenska liðsins á EM hefur vakið verðskuldaða athygli þar sem Elvar Örn Jónsson og Ýmir Örn Gíslason hafa farið á kostum fyrir miðri vörn Íslands.
Bjarki Már: Getum unnið öll liðin í milliriðlinum
Hornamaðurinn Bjarki Már Elísson segir að menn hafi reynt að bægja tapinu gegn Ungverjum frá sér strax í gærkvöldi.
