Bleyta í kortunum fyrir næstu daga

Landsmenn mega reikna með suðaustankalda eða strekkingi, átta til fimmtán metrum, með rigningu í dag, þar sem verður þó hægara og úrkomulítið norðaustanlands. Hiti verður á bilinu10 til 18 stig, hlýjast norðaustanlands.

Í hugleiðingum veðurfræðings segir að það dragi úr vindi og úrkomu með kvöldinu, en rigni enn á Suðausturlandi.

„Áfram sunnanátt og rigning með köflum á morgun, mánudag og þriðjudag, en þurrt að kalla norðustan til. Hlýnar í veðri og fer hiti líklega yfir 20 stig á Norausturlandi eftir helgi.

Rigningarveðrið veldur hárri vatnsstöðu í ám og lækjum á hálendinu þ.a. vöð geta orðið varasöm. Ferðamenn á þeim slóðum eru því hvattir til að fara varlega,“ segir í hugleiðingum veðurfræðings.

Í spákortunum má sjá rigningu, en líkur á að þurrara verði þær nær dregur næstu helgi.

Veðurhorfur á landinu næstu daga

Á mánudag: Sunnan og suðaustan 8-15 m/s og rigning með köflum, hvassast vestat, en þurrt og bjart NA til. Hiti 10 til 15 stig, en allt að 20 stigum á Norðausturlandi.

Á þriðjudag: Sunnan 5-10 m/s og rigning á V-verðu landinu, en þurrt að kalla eystra. Hiti víða 11 til 16 stig, en kringum 20 stig NA til.

Á miðvikudag: Fremur hæg suðvestlæg átt og bjart með köflum, en hvessir V-lands ,með rigningu um kvöldið. Hiti 10 til 18 stig að deginum, hlýjast á SA-landi.

Á fimmtudag: Útlit fyrir allhvassa eða hvassa suðvestanátt með rigningu, en úrkomulítið eystra. Áfram hlýtt í veðri.

Á föstudag og laugardag: Líklega áfram suðlægar áttir, fremur þurrt og hlýtt í veðri.