Chelsea ná­lægt því að fá „næsta Van Dijk“ frá Barcelona

Chelsea er nálægt því að semja við hinn átján ára gamla Xavier Mbuayamba sem hefur verið nefndur „næsti Virgil van Dijk.“

Varnarmaðurinn gekk í raðir Barcelona síðasta sumar frá MVV Maastricht en nú hefur hann yfirgefið spænska stórliðið eftir einungis eitt ár á Spáni.

Mbuyamba æfði með Chelsea á síðata ári en Chelsea náði ekki að semja við hann því hann hafði áhuga á því að semja við Barcelona.

Hann samdi einungis til eins árs í Barcelona og samningurinn er nú runninn út. Chelsea vill því fá hann til liðs við sig í sumar.

Mbuayamba spilaði einungis þrjá leiki í UEFA Youth League með Barcelona og náði ekki að spila sig inn í aðallið félagsins.

„Flest stór félög í Evrópu hafa spurst fyrir um Xavier. Real Madrid eru áhugasamir, Juventus og Inter hafa áhuga, sem og topp félög í Þýskalandi og Englandi,“ sagði Carlos Barros, umboðsmaður Xavier, fyrr á þessu ári.