Bein út­sending: Elsa Bje spilar dans­tón­list á Nesja­völlum

Plötusnúðurinn Elsa Bje kemur sér fyrir á Nesjavöllum og spilar þar danstónlist í útsendingu sem hefst klukkan níu í kvöld.

Útsendingin er á vegum íslenska viðburðafyrirtækisins Volume sem sérhæfir sig í útsendingum þar sem plötusnúðar þeyta skífum á framandi stöðum. Hún verður aðgengileg hér á Vísi klukkan 20.

Í þessu myndbandi tekur ELSA BJE skemmtilegt DJ mix í íslenskri náttúru hjá Nesjavöllum, með sumarsólina í bakið, og hitar upp fólk fyrir helgina.

Elsa hefur verið virk í senunni hérna heima undanfarin ár, og er mest þekkt fyrir sína létta hús-tóna. Hún hefur spilað víða um miðbæinn og er eins og er húsplötusnúðurinn á Kofa Tómasar Frænda, þar sem hún pakkar saman góðri stemningu.