Kári heldur áfram að fara á kostum í bílskúrnum og nú gerði hann upp árið 1994

Kári Kristján Kristjánsson, línumaður ÍBV í Olís-deild karla og íslenska landsliðsins, hefur sent inn skemmtileg innslög í Sportið í dag að undanförnu en Kári er í einangrun vegna Covid19-sjúkdómsins.

Línumaðurinn geðugi heldur til í bílskúrnum heima hjá sér og í fyrsta pistlinum, sem kom frá Kára fyrir helgi, greindi hann frá sínum fyrstu kynnum við annar stjórnanda þáttarins, Kjartan Atla Kjartansson.

Í pistli númer tvö, sem var sýndur í dag, fór Kári yfir árið 1994. hann fór þar yfir merkustu atburðina bæði í tónlist og kvikmyndagerð en einnig fór hann yfir það hvað félagar sínir í landsliðinu voru að gera þetta ár.

Sjón er sögu ríkari en þetta skemmtilega innslag má sjá hér að neðan.