Gengi Everton hefur ekki verið upp á marga fiska upp á síðkastið og ekki skánaði gengið í gær er liðið lá fyrir einu af botnliðunum á heimavelli.
Gylfi spilaði allan leikinn fyrir Everton og var með fyrirliðabandið en hann og Schneiderlin fengu báðir fjóra í einkunn.
Player ratings from @ConnorDunn7 today... https://t.co/JXpL9LekqY
— Everton FC News (@LivEchoEFC) November 23, 2019
„Var með stórt svæði sem hann þurfti að sjá um og fór ekki eins vel með boltann eins og hann hefði átt að gera. Spilaði með pappír í munninum nánast allan fyrri hálfleikinn eftir samstuð snemma leiks,“ segir í umfjölluninni.
„Þarf að búa til meira og hefði mögulega átt að skora en Krul gerði vel í að halda boltanum. Eftir tæklingu hans féll boltinn til Dennis Srbeny í öðru marki Norwich.“
Gylfi og félagar eru í 15. sæti deildarinnar, fjórum stigum frá fallsæti.
