Sveinn Aron í liði umferðarinnar á Ítalíu

Sveinn Aron Guðjohnsen var valinn í lið umferðarinnar í B-deildinni á Ítalíu eftir frábæra frammistöðu í 2-1 sigri Spezia á Pescara um helgina.

Sveinn Aron hefur ekki átt sjö dagana sæla eftir að hann gekk til liðs við Spezia frá Breiðabliki. Fyrir helgina hafði hann ekki skorað í treyju Spezia en Sveinn gerði gott betur þegar hann kom inn af varamannabekknum á 61. mínútu á laugardaginn var. 

Staðan var 1-0 fyrir Pescara er Sveinn Aron kom inn af varamannabekknum. Átta mínútum eftir að hann kom inn á hafði hann lagt upp jöfnunarmark Spezia og aðeins þremur mínútum síðar skoraði hann sitt fyrsta mark fyrir liðið. Reyndist það sigurmark leiksins, lokatölur 2-1. 

Spezia er í 17. sæti ítölsku B-deildarinnar með sjö stig þegar átta umferðum er lokið.