Barcelona ætlar ekki að eyða miklum peningum í janúar: Slæmar fréttir fyrir Neymar

Barcelona hefur gert það að lykilmarkmiði sínu í næsta félagaskiptaglugga að fá sér nýjan hægri bakvörð.

Katalónarnir eyddu 200 milljónum punda í leikmenn eins og Antoine Griezmann, Frenkie de Jong og Neto í sumar en ekki verða svipaðir peningar í boði í janúar.

Það eru ekki góðar fréttir fyrir Neymar að Börsungar ætli ekki að eyða miklum peningum í janúar en hann vildi ólmur komast til Börsunga í sumar.

Það náðist þó ekki samkomulag milli Barcelona og PSG og þessi áætlun Barcelona að ætla ekki að eyða miklum pening í janúar er væntanlega ekki til að gleðja Brasilíumanninn.

Hins vegar samkvæmt Marca vilja Börsungar styrkja hægri bakvarðarstöðuna en miðjumaðurinn Sergi Roberto hefur verið að leysa stöðuna að undanförnu.

— Signing a right-back is Barcelona's only priority in the winter transfer market. [marca] pic.twitter.com/T8g9BuZinN

— Barca Universal (@BarcaUniversal) October 13, 2019

Nelson Semedo er svo annar hægri bakvörður en hann hefur verið í stöðu vinstri bakvarðar eftir að Jordi Alba fór á meiðslalistann.

Hecton Bellerin, bakvörður Arsenal, hefur verið nefndur til sögunnar, en spænsku meistararnir hafa ekki byrjað verr í deildinni heima fyrir í 30 ár.