Ritstjóri ESPN: Versta Man. Utd lið sem ég hef séð á ævinni

Alex Shaw, aðalritstjóri ESPN, segir að Manchester United liðið tímabilið 2019/2020 sé slakasta United-lið sem hann hefur séð á ævinni.

Shaw skrifaði þetta eftir að United gerði markalaust jafntefli við AZ Alkmaar á útivelli í Evrópudeildinni í gærkvöldi en United skapaði sér varla færi í leiknum.

Byrjun liðsins í ensku úrvalsdeildinni hefur ekki verið góð því hún er sú versta í 30 ár. Færist meiri og meiri pressa á stjórann, Ole Gunnar Solskjær.

„Þetta er versta Man. United lið sem ég hef séð á ævinni (ég er ekki það gamall en nokkuð gamall). Þeir hafa ekki klisjur eins og karakter en aðal atriðin eru gæði,“ skrifaði Shaw.

This is the worst Man United team I’ve seen in my life (I am not THAT old, but I’m pretty old). They don’t have the cliched intangibles like “character” but main thing is quality. Simple skills: passing, control in tight spaces, speed: nothing. It’s so bad.

— Alex Shaw (@AlexShawESPN) October 3, 2019

„Auðveld atriði; sendingar, stjórnun í litlum svæðum, hraði: ekkert. Þetta er svo lélegt,“ hélt ósáttur Shaw áfram.

United mætir Newcastle um helgina og reynir því að ná í sinn fyrsta sigur á útivelli síðan í mars.