Flest stærstu félög Evrópu voru á eftir hollenska miðjumanninum í sumar er hann ákvað að yfirgefa Ajax sem komst í undanúrslit Meistaradeildarinnar á síðustu leiktíð.
Barcelona var fljótt komið inn í myndina en grannarnir í Man. City og Man. Utd börðust einnig um Hollendinginn frábæra.
Hann fór svo að lokum til Spánar á 68 milljónir punda en segir í viðtali að PSG og Manchester City hefðu verið aðrir líklegir áfangastaðir.
„Ef það hefði ekki verið fyrir Barcelona og það er erfitt að segja þetta núna en þá hefði valið staðið á milli PSG eða City,“ sagði sá hollenski.
Frenkie de Jong has admitted he turned down moves to PSG and Man City in favour of Barcelona.
The midfielder says it's because they 'showed him more love.' #MCFC#FCBpic.twitter.com/kYTQXxpHAr
— WinDrawWin (@windrawwin) September 26, 2019
„Það mikilvægasta var hvernig Barcelona spilaði og hvernig þeir sáu mig sem leikmann. Þeir voru einnig með plön fyrir mig,“ bætti De Jong við.
„Það er ekki rétt að tala um peninga því ég pæli ekki í því. Það var aldrei rætt með mig í herberginu því það er eitthvað sem umboðsmaður minn sér um.“
