Staðfest að Jón Þór gerir þrjár breytingar

Fanndís Friðriksdóttir og Svava Rós Guðmundsson koma inn í framlínu Íslands fyrir leikinn gegn Slóvakíu í kvöld ásamt því að Ásta Eir Árnadóttir tekur sæti hægri bakvarðar.

Eins og Vísir greindi frá fyrr í dag gerir Jón Þór Hauksson þrjár breytingar á liðinu frá því úr 4-1 sigrinum á Ungverjalandi.

Sif Atladóttir fer úr vörninni og Ásta Eir Árnadóttir kemur inn í vörnina. Við það fer Ingibjörg Sigurðardóttir inn í miðja vörnina.

Svava Rós og Fanndís komu með mikinn kraft inn í sóknina í síðasta leik og þær taka sæti þeirra Öglu Maríu Albertsdóttir og Hlínar Eiríksdóttur.

Our starting lineup against Slovakia!

Byrjunarlið Íslands gegn Slóvakíu!

#LeiðinTilEnglands#dottirpic.twitter.com/M6XlNKWNg8

— Knattspyrnusambandið (@footballiceland) September 2, 2019

Fylgst verður vel með leik Íslands og Slóvakíu á vef Vísis í kvöld.

Byrjunarlið Íslands á móti Slóvakíu í kvöld:

Sandra Sigurðardóttir

Ásta Eir Árnadóttir

Ingibjörg Sigurðardóttir

Glódís Perla Viggósdóttir

Hallbera Guðný Gísladóttir

Gunnhildur Yrsa Jónsdóttir

Sara Björk Gunnarsdóttir

Dagný Brynjarsdóttir

Fanndís Friðriksdóttir

Elín Metta Jensen

Svava Rós Guðmundsdóttir