Hafa ekki tapað einu einasta stigi síðan að Hjörtur kom inn í byrjunarliðið

Í síðustu undankeppnum hefur íslenska karlalandsliðið í knattspyrnu telft nánast fram sama kjarnanum og þetta gullaldarlið hefur skilað Íslandi sæti á bæði Evrópumótinu í Frakklandi 2016 sem og á heimsmeistaramótinu í Rússlandi 2018.

Báðar hinar undankeppninnar eiga það sameiginlegt að einn leikmaður hefur unnið sig frekar óvænt inn í byrjunarliðið og skilað heldur betur sínu. Þetta voru annars vegar framherjinn Jón Daði Böðvarsson í undankeppni EM 2016 og hins vegar bakvörðurinn Hörður Björgvin Magnússon í undankeppni HM 2018. Bæði Jón Daði og Hörður unnu sér sæti í liðinu og héldu því.

Í núverandi undankeppni, fyrir EM 2020, má segja að bakvörðurinn Hjörtur Hermannsson sem leikmaðurinn sem bætist við gullna kjarnann sem hefur skilað okkur svo langt.

Hjörtur sat á bekknum í fyrstu tveimur leikjunum og þá spilaði Birkir Már Sævarsson í hægri bakvarðarstöðunni. Eftir 4-0 skell á móti Frökkum á Saint-Denis tóku þjálfararnir þá erfiðu ákvörðun að gera breytingar á vörninni.

Birki Má var fórnað en í hans stað kom Hjörtur Hermannssin inn í byrjunarliðið. Það er óhætt að segja að þessu breyting hafi gengið upp en Hjörtur var þarna í fyrsta sinn í byrjunarliði íslenska landsliðsins í mótsleik.

Íslenska liðið hefur nefnilega unnið alla þrjá leiki sína eftir að Hjörtur kom inn í byrjunarliðið og liðið hefur ennfremur aðeins þurft að sækja boltann einu sinni í markið sitt á 270 mínútum.

Íslensku landsliðsstrákarnir hafa ekki tapað einu einasta stigi síðan að Hjörtur kom inn í byrjunarliðið og nú er að vonast til þess að það haldi áfram á móti Albaníu á þriðjudagskvöldið.