Flestir leita til makans í vanlíðan

Makamál beindu spurningu síðustu viku til fólks sem er í sambandi. Spurningin var: Hver er sá fyrsti sem þú leitar til þegar þér líður illa?

Ef marka má niðurstöður úr könnuninni má draga þá ályktun að lesendur Makamála leiti flestir til maka síns þegar þeim líður illa en yfir 3000 manns tóku þátt í heildina. 

Það sem vakti aftur á móti athygli er að tæplega 30% segjast ekki leita til neins í vanlíðan sinni. 

Makamál velta því fyrir sér hvort að það sé einhver munur þarna á kynjunum en konur hafa oft á tíðum verið opnari en karlmenn um vandamál sín og erfiðleika meðan karlmenn hafa stundum þá tilhneigingu til að bera harm sinn í hljóði. 

Hægt er að sjá nákvæmari niðurstöður hér fyrir neðan: 

Hver er sá fyrsti sem þú leitar til þegar þér líður illa?



Maki - 43%

Vinur/vinkona - 15%

Foreldri/ættingi - 14%

Fagaðila - 0%

Enginn - 28%



Makamál mættu í Brennsluna á FM957 í morgun og ræddu niðurstöðurnar og kynntu til leiks næstu spurning vikunnar. Hægt að er að hlusta á umræðurnar hér fyrir neðan: 

Klippa: Brennslan! Makamál: Ertu kynferðislega fullnægð/ur í sambandinu þínu?