Magni gerði góða ferð á Ásvelli og vann 1-2 sigur á Haukum í lokaleik 16. umferðar Inkasso-deildar karla í dag.
Þetta var fyrsti leikur Magna undir stjórn Sveins Þórs Steingrímssonar sem tók við liðinu fyrir viku.
Staðan var markalaus í hálfleik en á 65. mínútu kom Þórður Jón Jóhannesson Haukum yfir með skalla eftir hornspyrnu Ásgeirs Þórs Ingólfssonar.
Á 83. mínútu jafnaði Kristinn Þór Rósbergsson metin með skoti af stuttu færi eftir sendingu Guðna Sigþórssonar.
Þremur mínútum síðar skoraði Ólafur Aron Pétursson, lánsmaður frá KA, svo sigurmark Magna með skoti af löngu færi. Lokatölur 1-2, gestunum frá Grenivík í vil.
Magni er nú í 11. sæti deildarinnar, aðeins einu stigi á eftir Haukum sem eru í 10. sætinu. Haukar hafa bara unnið einn af síðustu sjö leikjum sínum.
Upplýsingar um úrslit og markaskorara eru fengnar frá Fótbolta.net.
Dramatískur sigur Magna í fyrsta leiknum undir stjórn nýja þjálfarans
Tengdar fréttir
Komið að leiðarlokum hjá Páli Viðari og Magna
Páll Viðar Gíslason er hættur sem þjálfari Magna, botnliðs Inkasso-deildar karla.
Aðstoðarþjálfari KA tekur við Magna
Magnamenn voru ekki lengi að finna sér nýjan þjálfara.
