Björn Bergmann tryggði Rostov stig

Björn Bergmann Sigurðarson skoraði jöfnunarmark Rostov er liðið gerði 2-2 jafntefli við Ural á útivelli í rússnesku úrvalsdeildinni í dag.

Ural komst yfir á á fjórtándu mínútu en Eldor Shomurodov jafnaði metin á 67. mínútu.

Aftur komust Ural-menn yfir á 81. mínútu en Skagamaðurinn, Björn Bergmann Sigurðarson, jafnaði metin er fimm mínútur voru til leiksloka og lokatölur 2-2.

Ragnar Sigurðsson lék allan leikinn fyrir Rostov en Björn kom inn á sem varamaður á 61. mínútu og skoraði á þeirri 85. mínútu.

Rostov er enn taplaust á tímabilinu; með tvo sigra og tvö jafntefli í öðru sæti deildarinnar með átta stig.