Karlmenn miklu líklegri til að bera upp bónorðið

Makamál gerðu nýverið könnun þar sem sóst var eftir áliti og skoðunum fólks á því hvor aðilinn ætti að bera upp bónorðið í gagnkynhneigðum samböndum. Svarmöguleikarnir voru: karlinn, konan og eða skiptir ekki máli. Niðurstaðan var sú að yfir 60% fólks sagði það ekki skipta máli hvor aðilinn það væri. 

Með auknu jafnrétti kynjanna hefur því þessi aldagamla hefð fyrir því að karlinn eigi að vera sá aðili sem ber upp bónorðið því greinileg þróast og fólk orðið opnara fyrir breytingum. 

Í kjölfarið á þessari könnun langaði Makamálum að skoða hvort að hefðin hafi breyst í takt við breytt hugarfar. Því að þrátt fyrir að viðrhorf breytist getur það tekið tíma fyrir fólk að aðlagast og breyta fastmótuðum hefðum eins og hefðinni með bónorðið. 

Lesendur Vísis voru því spurðir: Hvor aðilinn bar upp bónorðið? (í gagnkynhneigðum samböndum). 

Samkvæmt þessum niðurstöðum má sjá að ennþá eru karlar miklu líklegri til að bera upp bónorðið þrátt fyrir breytt viðhorf til hefðarinnar.

Einnig sést hversu algengt það er ekkert bónorð sé borið upp heldur er ákvörðunin um giftingu tekin sameiginlega án sérstakrar viðhafnar. 

 

Hægt er að sjá nákvæmari niðurstöður hér:

Karlinn -  50%

Konan - 18%

Hvorugt, þetta var sameiginleg ákvörðun - 32%