Sjáðu Griezmann á fyrstu æfingunni með Barcelona

Antoine Griezmann er orðinn leikmaður Barcelona og mætti á fyrstu æfinguna með sínu nýja liði í dag.

Barcelona keypti Frakkann fyrir 120 milljónir evra í lok síðustu vinnuviku og hann samdi við Barcelona til næstu fimm ára.

Antoine Griezmann hefur verið andstæðingur Barcelona í búningi Atlético Madrid undanfarin fimm ár og það var örugglega ekkert auðvelt fyrir nýliðanna að mæta á fyrstu æfinguna í dag.

Áhugasamir fengu tækifæri til að fylgjast með Antoine Griezmann og samskiptum hans við nýju liðsfélagana því Barcelona sendi út beint frá æfingunni eins og sjá má hér fyrir neðan.