KR marði Tindastól og er komið í undanúrslitin

KR varð í dag fyrsta liðið til þess að tryggja sér sæti í undanúrslitum Mjólkurbikar kvenna með 1-0 sigri á Tindastól.

Fyrsta og eina mark leiksins skoraði Ný-Sjálendingurinn Betsy Doon Hassett á níundu mínútu leiksins. Það reyndist sigurmarkið.

Tindastóll, sem leikur í Inkasso-deildinni, er því úr leik eftir flotta framgöngu í Mjólkurbikarnum þetta árið.

KR er komið í undanúrslitin en nú er í gangi leikur ÍA og Fylkis. Á morgun mætast svo Selfoss og HK/Víkingur annars vegar og hins vegar Þór/KA og Valur.