22 á land í Ytri Rangá

Þegar veiðimenn hugsa um vorveiði hefur Ytri Rangá kannski ekki verið þeim ofarlega í huga en það ætti kannski að breytast.

Málið er að Ytri Rangá er ekki bara með góðan stofn af sjóbirting heldur er þar líka að finna stóra staðbundna urriða. Þeir sem veiða í ánni á haustinn setja oft í væna sjóbirtinga og þá sérstaklega á neðri hlutanum af ánni. Veiði hófst í Ytri Rangá sem og nokkrum öðrum sjóbirtingsám í gær og hefur opnunin í ánni gefið góðar vonir um framhaldið. Alls veiddust 22 sjóbirtingar og var sá stærsti sem kom á land 8,5 kg og mældist 85 sm að lengd. Þetta er spennandi kostur fyrir veiðimenn sem vilja kanna þessa skemmtilegu á með nýjum vinkli, þ.e.a.s. mæta á staðinn ekki til að leita að laxi heldur vænum urriða, sjógengnum og staðbundnum.