Ronaldo fór meiddur af velli í jafntefli | Sjáðu öll úrslit kvöldsins

Cristiano Ronaldo fór meiddur af velli eftir hálftíma leik er Portúgal gerði 1-1 jafntefli við Serbíu á heimavelli í undankeppni EM 2020.

Dusan Tadic kom Serbíu yfir af vítapunktinum á sjöundu mínútu en Danilo Pereira jafnaði metin fyrir Portúgal á 42. mínútu. Fleiri urðu mörkin ekki og lokatölur 1-1.

Ronaldo kenndi sér til meins í læri en Portúgal er einungis með tvö stig eftir fyrstu tvo leikina. Þeir gerðu markalaust jafntefli við Úkraínu á föstudagskvöldið.

Serbía er í fjórða sætinu með eitt stig en þetta var fyrsti leikur Serbíu í riðlinum. Á toppnum er Úkraína með fjögur stig en Úkraína vann dramatískan 2-1 sigur á Lúxemborg í kvöld. Sigurmarkið skoraði Gerson Rodrigues í uppbótartíma.

Albanía átti auðveld með Andorra í riðli okkar Íslendinga en lokatölur urðu 3-0. Tvö af þremur mörkum Albaníu komu á síðustu þremur mínútum venjulegs leiktíma.

Albanía er því komið með þrjú stig í riðli okkar Íslendinga, Frakkland og Tyrkland eru með sex stig en við Íslendingar eru með sex. Andorra og Móldóva eru án stiga.

Úrslit dagsins:

A-riðill:

Kósóvó - Búlgaría 1-1

Svartfjallaland - England 1-5

B-riðill:

Portúgal - Serbía 1-1

Lúxemborg - Úkraína 1-2

H-riðill:

Tyrkland - Móldóva 4-0

Andorra - Albanía 0-3

Frakkland - Ísland 4-0