Traust til Pútín ekki mælst minna í 13 ár

Traust rússnesk almennings á forsetanum Vladimir Pútín hefur ekki verið minna í þrettán ár.

Rússneskur almenningur hefur ekki borið minna traust til forsetans, Vladimir Pútín, í þrettán ár. Þetta sýnir ný skoðanakönnun, unnin í Rússland sem Reuters greinir frá.

Skoðanakönnunin sýndi að þrátt fyrir að traust til Pútín væri það minnsta síðan 2006, væri hann enn sá stjórnmálamaður sem Rússar treysta best. 33,4% Rússa sögðust treysta forsetanum en á eftir honum fylgdu varnarmálaráðherrann Sergei Shoigu og utanríkisráðherrann Sergei Lavrov með 13,7% og 9,3% traust.

Niðurstöður skoðanakönnunarinnar hafa væntanlega ekki mikil áhrif á forsetann sem sigraði örugglega kosningar í mars á síðasta ári og tryggði sér sex ár til viðbótar í embætti. Hæst hefur traust til forsetans mælst 71% skömmu eftir að Rússar innlimuðu Krímskaga árið 2015.

Þrátt fyrir minnkandi traust til forsetans hefur hann enn mikið fylgi, 60% aðspurðra sögðust myndu kjósa Pútín, fylgi hans er þó langt frá því sem það hefur hæst verið. 2015 sögðust níu af hverjum tíu rússum vera fylgjendur forsetans.