Alicia Keys verður kynnir á Grammy: Trylltist úr gleði þegar hún var spurð

Forsvarsmenn Grammy-verðlaunanna hafa ákveðið hver verði kynnir aðalkvöldsins þann 10. febrúar næstkomandi og verður það söngkonan Alicia Keys.

Keys verður kynnir á 61. Grammy-verðlaunahátíðinni.

„Ég veit hvernig það er að vera á sviðinu á Grammy´s og ég mun reyna gefa frá mér sömu orku allt kvöldið,“ segir Keys í samtali við E!

Samtals hefur Keys unnið fimmtán Grammy-verðlaun á sínum ferli og er því um algjöran reynslubolta að ræða á hátíðinni.

Hér að neðan má sjá myndband sem Keys gaf sjálf út á YouTube rétt í þessu. Viðbrögð hennar við fréttunum voru frábær.