Öll fjármögnun á einum stað - gengið frá viðskiptum á öruggan hátt

Frágangur.is er viðskiptamiðlun sem sérhæfir sig í greiðslulausnum og lánaumsýslu fyrir einstaklinga og fyrirtæki, stór sem smá og er í samstarfi við öll helstu fjármögnunarfyrirtæki. Frágangur.is er í eigu Netbifreiðasölunnar.

„Markmið okkar er að sameina kaupanda og seljanda á öruggan og einfaldan hátt á vettvangi þar sem frágangur á fjármögnun og greiðsluleiðum fer fram á einum stað,“ útskýrir Haraldur F. Arnarsson, framkvæmdastjóri Frágangs.is og Netbifreiðasölunnar.

Hann segir mikla þörf hafa verið á þjónustu sem þessari til að auðvelda fólki að ganga frá kaupum sem til dæmis eru gerð í gegnum samfélagsmiðla.

Löggiltur aðili þarf að ganga frá kaupum

,,Síðustu misseri hefur mikið borið á því að fólk noti samskiptamiðla til að selja bíla, mótorhjól, hjólhýsi og ýmsa aðra hluti.  Þegar kaupandinn þarf að fjármagna kaupin er það krafa fjármögnunaraðila að kaupin gangi í gegnum löggiltan aðila sem sér um fráganginn. Líkt og flestar bílasölur tökum við að okkur hefðbundinn frágang á fjármögnun við bílakaup en einnig á öðrum hlutum sem fólk óskar eftir að fjármagna með þeim fjármögnunarleiðum sem eru í boði líkt og pei, netgiro, raðgreiðslum og fleiri leiðum. Eftirspurnin eftir þeirri þjónustu hefur aukist mikið upp á síðkastið,“ segir Haraldur.

Einfalt ferli

Ferlið er einfalt að sögn Haraldar, umsókn um fjármögnun er gerð á staðnum og getur fengið afgreiðslu hjá viðkomandi fjármögnunarfyrirtæki samdægurs. Afgreiðslutími umsóknar fer eftir eðli umsóknar og þeim afgreiðslutíma sem fjármögnunaraðilar gefa sér hverju sinni.

„Við hvetjum fólk að kíkja í heimsókn til okkar og við hjálpum þeim að finna fjármögnun sem hentar."

Frágangur.is er staðsett í sama húsi og Netbifreiðasalan að Hlíðasmára 13.

Netbifreiðasalan

„Hjá Netbifreiðasölunni leggjum við megináherslu á að nota netið og miðlana og höldum úti öflugri vefsíðu og facebook-síðu. Framsetning skiptir okkur máli og við leggjum mikið upp úr gæðum ljósmynda og ýtarlegum upplýsingum um bílana. Þá göngum við einnig skrefinu lengra en margir aðrir og búum til myndbönd um valda bíla," segir Haraldur.

Nánari upplýsingar er að finna á fragangur.is og á nbs.is

Þessi kynning er unnin í samstarfi við Frágang.is og Netbifreiðasöluna.