Svissneski vasahnífurinn Ingvi Þór Sæmundsson skrifar 17. desember 2018 09:30 Xherdan Shaqiri. Vísir/Getty Kaupin á Xherdan Shaqiri féllu í skuggann af öðrum sumarkaupum Liverpool. Naby Keïta, Fabinho og Alisson voru allir keyptir á háar fjárhæðir og miklar væntingar voru gerðar til þeirra. Liverpool greiddi hins vegar aðeins 13,5 milljónir punda fyrir Shaqiri sem kom frá Stoke City sem féll úr ensku úrvalsdeildinni. En Shaqiri hefur heldur betur reynst Liverpool dýrmætur, aldrei eins og í leiknum gegn Manchester United á Anfield í gær. Þetta var fyrsti sigur Liverpool á United í ensku úrvalsdeildinni síðan 2014 þegar David Moyes var við stjórnvölinn hjá Manchester-liðinu og Brendan Rodgers stýrði Rauða hernum. Þetta var jafnframt í fyrsta sinn sem Jürgen Klopp stýrir Liverpool til sigurs á United í deildarleik. Liverpool var miklu sterkari aðilinn í leiknum í gær og sóknirnar buldu á marki United. Sadio Mané kom Liverpool yfir á 24. mínútu þegar hann afgreiddi frábæra sendingu Fabinho í netið. Níu mínútum jafnaði Jesse Lingard metin, þvert gegn gangi leiksins, eftir mistök Alisson í marki Liverpool. Staðan var 1-1 í hálfleik. Heimamenn héldu áfram að þjarma að gestunum í seinni hálfleik en náðu ekki að koma boltanum fram hjá David De Gea. Á 70. mínútu gerði Jürgen Klopp, knattspyrnustjóri Liverpool, fyrstu breytinguna á byrjunarliði sínu, tók Keïta af velli og setti Shaqiri inn á.Xherdan Shaqiri skorar fyrra markið sitt.Vísir/GettyAðeins 144 sekúndum síðar fékk Svisslendingurinn boltann hægra megin í vítateig United og lét vaða. Boltinn fór í Ashley Young, slána og inn. Á 80. mínútu gulltryggði Shaqiri sigur Liverpool með sínu öðru marki. Aftur fór boltinn í varnarmann United (Eric Bailly) á leiðinni í markið. Mögnuð innkoma hjá Svisslendingnum smávaxna sem hefur skorað fimm mörk og gefið tvær stoðsendingar á tímabilinu. Shaqiri hefur aðeins sjö sinnum verið í byrjunarliði Liverpool í ensku úrvalsdeildinni og einungis leikið 627 mínútur. En hann hefur nýtt spiltímann sinn með eindæmum vel. Hann er tólfti leikmaðurinn í liði Liverpool, ef svo má segja. Sannkallaður svissneskur vasahnífur sem getur leyst ýmsar stöður. Alltaf tilbúinn og getur breytt gangi leikja með hæfileikum sínum. Þeir hafa aldrei verið dregnir í efa en ferill Shaqiri hefur ekki alltaf verið dans á rósum. Eftir að hafa slegið í gegn með Basel var hann keyptur til Bayern München þar sem hann fékk fá tækifæri, enda í samkeppni við leikmenn á borð við Arjen Robben og Franck Ribéry. Shaqiri var lánaður til Inter áður en hann var seldur til Stoke. Hann gerði lítið fyrstu tvö tímabilin hjá Stoke en á síðasta tímabili skoraði hann átta mörk og gaf sjö stoðsendingar. Það dugði þó skammt því Stoke féll úr ensku úrvalsdeildinni. Núna er Shaqiri kominn í topplið sem stefnir hátt. Liverpool er enn taplaust í ensku úrvalsdeildinni, hefur fengið 45 stig af 51 mögulegu og er með 14 stigum meira en á sama tíma í fyrra. Varnarleikurinn er miklum mun betri en Liverpool hefur aðeins fengið á sig sjö mörk í 17 deildarleikjum og haldið tíu sinnum hreinu. Þessu er öfugt farið hjá United sem hefur fengið á sig 29 mörk, einu meira en allt síðasta tímabil. David De Gea hélt hreinu oftast allra markvarða ensku úrvalsdeildarinnar á síðasta tímabili (19 sinnum) en hann hefur aðeins haldið marki sínu tvisvar sinnum hreinu á þessu tímabili. United er aðeins með 26 stig í 6. sæti deildarinnar og hefur ekki farið jafn illa af stað frá tímabilinu 1990-91. United er 19 stigum á eftir Liverpool en munurinn á þessum liðum hefur aldrei verið jafn mikill eftir 17 umferðir í efstu deild. Í dag er himinn og haf á milli þessara liða. Birtist í Fréttablaðinu Enski boltinn Mest lesið Var ekki rekin úr Ólympíuþorpinu fyrir óviðeigandi hegðun: Ég fór sjálf Sport Bara þrír sem fá að heimsækja Michael Schumacher Formúla 1 Vildi láta reka Heimi í fyrra en eys nú yfir hann lofi Fótbolti Vilja sjá Þórólf hugsa líka um konurnar: „Gæti gert þetta að ríkasta liði landsins“ Íslenski boltinn Aron og Bjarki báðir út úr hóp í úrslitaleiknum Handbolti Áhyggjufullir eftir tap gegn „algjöru meðalliði“ Íslands Fótbolti Mbappe í aðalhlutverki þegar Frakkar tóku bronsið Fótbolti Tók við verðlaunum merktur Aroni sem var veikur heima Handbolti Landsliðskonan reddaði málunum fyrir leik á Kópavogsvelli Íslenski boltinn Heimi fannst lítið mál að svara glerhúsagagnrýni gamla landsliðsþjálfarans Fótbolti Fleiri fréttir Liverpool hækkar tilboð sitt Man. United gat ekki neitt en græddi samt meiri pening Leikmenn Tottenham sagðir öskuillir og í uppreisnarhug eftir brottrekstur Ange Rekinn frá Tottenham Segir nýja Brassann hjá Chelsea geta orðið eins góður og Lamine Yamal Dómari í enska boltanum segist hata VAR Liverpool byrjar undirbúningstímabilið á móti Stefáni Teiti Hættur eftir að hafa spilað með 42 liðum Kerkez spilar ekki með Ungverjum: Sagður á leið til Liverpool að skrifa undir Liverpool hafnaði tilboði Barcelona Sonur Bruno Fernandes mætti á æfingu hjá FH Stjörnur Chelsea spiluðu saman í unglingaliði City Mbuemo fer fram á fimmfalt hærri laun Rio Ferdinand: Ég er skotskífa vegna gengis Man United Írskur smáklúbbur græðir meira en hálfan milljarð þökk sé Liverpool Brady byggir nýjan leikvang fyrir Willum og Alfons Margir leikmenn á förum frá Arsenal Segist ekki vilja taka tíuna hjá Liverpool af Mac Allister City búið að semja um kaupverð á Reijnders Enska landsliðið æfir í upphituðum tjöldum til að undirbúa sig fyrir HM Sancho samdi ekki við Chelsea sem þarf að borga sekt Bruno ætlar ekki að sækja seðlana í Sádi-Arabíu Mbuemo sagður vilja fara til Manchester United Hóta Abramovich lögsókn og vilja láta Úkraínu fá Chelsea peninginn Leikmenn ensku stórliðanna kvarta við leikmannasamtökin Gætu hent Crystal Palace út úr Evrópudeildinni Man. City vill fá bakvörð frá Úlfunum Beckham óánægður með hegðun leikmanna Manchester United Hákon mun slást við Kelleher um stöðuna Rauðu djöflarnir staðfesta kaup á Cunha Sjá meira
Kaupin á Xherdan Shaqiri féllu í skuggann af öðrum sumarkaupum Liverpool. Naby Keïta, Fabinho og Alisson voru allir keyptir á háar fjárhæðir og miklar væntingar voru gerðar til þeirra. Liverpool greiddi hins vegar aðeins 13,5 milljónir punda fyrir Shaqiri sem kom frá Stoke City sem féll úr ensku úrvalsdeildinni. En Shaqiri hefur heldur betur reynst Liverpool dýrmætur, aldrei eins og í leiknum gegn Manchester United á Anfield í gær. Þetta var fyrsti sigur Liverpool á United í ensku úrvalsdeildinni síðan 2014 þegar David Moyes var við stjórnvölinn hjá Manchester-liðinu og Brendan Rodgers stýrði Rauða hernum. Þetta var jafnframt í fyrsta sinn sem Jürgen Klopp stýrir Liverpool til sigurs á United í deildarleik. Liverpool var miklu sterkari aðilinn í leiknum í gær og sóknirnar buldu á marki United. Sadio Mané kom Liverpool yfir á 24. mínútu þegar hann afgreiddi frábæra sendingu Fabinho í netið. Níu mínútum jafnaði Jesse Lingard metin, þvert gegn gangi leiksins, eftir mistök Alisson í marki Liverpool. Staðan var 1-1 í hálfleik. Heimamenn héldu áfram að þjarma að gestunum í seinni hálfleik en náðu ekki að koma boltanum fram hjá David De Gea. Á 70. mínútu gerði Jürgen Klopp, knattspyrnustjóri Liverpool, fyrstu breytinguna á byrjunarliði sínu, tók Keïta af velli og setti Shaqiri inn á.Xherdan Shaqiri skorar fyrra markið sitt.Vísir/GettyAðeins 144 sekúndum síðar fékk Svisslendingurinn boltann hægra megin í vítateig United og lét vaða. Boltinn fór í Ashley Young, slána og inn. Á 80. mínútu gulltryggði Shaqiri sigur Liverpool með sínu öðru marki. Aftur fór boltinn í varnarmann United (Eric Bailly) á leiðinni í markið. Mögnuð innkoma hjá Svisslendingnum smávaxna sem hefur skorað fimm mörk og gefið tvær stoðsendingar á tímabilinu. Shaqiri hefur aðeins sjö sinnum verið í byrjunarliði Liverpool í ensku úrvalsdeildinni og einungis leikið 627 mínútur. En hann hefur nýtt spiltímann sinn með eindæmum vel. Hann er tólfti leikmaðurinn í liði Liverpool, ef svo má segja. Sannkallaður svissneskur vasahnífur sem getur leyst ýmsar stöður. Alltaf tilbúinn og getur breytt gangi leikja með hæfileikum sínum. Þeir hafa aldrei verið dregnir í efa en ferill Shaqiri hefur ekki alltaf verið dans á rósum. Eftir að hafa slegið í gegn með Basel var hann keyptur til Bayern München þar sem hann fékk fá tækifæri, enda í samkeppni við leikmenn á borð við Arjen Robben og Franck Ribéry. Shaqiri var lánaður til Inter áður en hann var seldur til Stoke. Hann gerði lítið fyrstu tvö tímabilin hjá Stoke en á síðasta tímabili skoraði hann átta mörk og gaf sjö stoðsendingar. Það dugði þó skammt því Stoke féll úr ensku úrvalsdeildinni. Núna er Shaqiri kominn í topplið sem stefnir hátt. Liverpool er enn taplaust í ensku úrvalsdeildinni, hefur fengið 45 stig af 51 mögulegu og er með 14 stigum meira en á sama tíma í fyrra. Varnarleikurinn er miklum mun betri en Liverpool hefur aðeins fengið á sig sjö mörk í 17 deildarleikjum og haldið tíu sinnum hreinu. Þessu er öfugt farið hjá United sem hefur fengið á sig 29 mörk, einu meira en allt síðasta tímabil. David De Gea hélt hreinu oftast allra markvarða ensku úrvalsdeildarinnar á síðasta tímabili (19 sinnum) en hann hefur aðeins haldið marki sínu tvisvar sinnum hreinu á þessu tímabili. United er aðeins með 26 stig í 6. sæti deildarinnar og hefur ekki farið jafn illa af stað frá tímabilinu 1990-91. United er 19 stigum á eftir Liverpool en munurinn á þessum liðum hefur aldrei verið jafn mikill eftir 17 umferðir í efstu deild. Í dag er himinn og haf á milli þessara liða.
Birtist í Fréttablaðinu Enski boltinn Mest lesið Var ekki rekin úr Ólympíuþorpinu fyrir óviðeigandi hegðun: Ég fór sjálf Sport Bara þrír sem fá að heimsækja Michael Schumacher Formúla 1 Vildi láta reka Heimi í fyrra en eys nú yfir hann lofi Fótbolti Vilja sjá Þórólf hugsa líka um konurnar: „Gæti gert þetta að ríkasta liði landsins“ Íslenski boltinn Aron og Bjarki báðir út úr hóp í úrslitaleiknum Handbolti Áhyggjufullir eftir tap gegn „algjöru meðalliði“ Íslands Fótbolti Mbappe í aðalhlutverki þegar Frakkar tóku bronsið Fótbolti Tók við verðlaunum merktur Aroni sem var veikur heima Handbolti Landsliðskonan reddaði málunum fyrir leik á Kópavogsvelli Íslenski boltinn Heimi fannst lítið mál að svara glerhúsagagnrýni gamla landsliðsþjálfarans Fótbolti Fleiri fréttir Liverpool hækkar tilboð sitt Man. United gat ekki neitt en græddi samt meiri pening Leikmenn Tottenham sagðir öskuillir og í uppreisnarhug eftir brottrekstur Ange Rekinn frá Tottenham Segir nýja Brassann hjá Chelsea geta orðið eins góður og Lamine Yamal Dómari í enska boltanum segist hata VAR Liverpool byrjar undirbúningstímabilið á móti Stefáni Teiti Hættur eftir að hafa spilað með 42 liðum Kerkez spilar ekki með Ungverjum: Sagður á leið til Liverpool að skrifa undir Liverpool hafnaði tilboði Barcelona Sonur Bruno Fernandes mætti á æfingu hjá FH Stjörnur Chelsea spiluðu saman í unglingaliði City Mbuemo fer fram á fimmfalt hærri laun Rio Ferdinand: Ég er skotskífa vegna gengis Man United Írskur smáklúbbur græðir meira en hálfan milljarð þökk sé Liverpool Brady byggir nýjan leikvang fyrir Willum og Alfons Margir leikmenn á förum frá Arsenal Segist ekki vilja taka tíuna hjá Liverpool af Mac Allister City búið að semja um kaupverð á Reijnders Enska landsliðið æfir í upphituðum tjöldum til að undirbúa sig fyrir HM Sancho samdi ekki við Chelsea sem þarf að borga sekt Bruno ætlar ekki að sækja seðlana í Sádi-Arabíu Mbuemo sagður vilja fara til Manchester United Hóta Abramovich lögsókn og vilja láta Úkraínu fá Chelsea peninginn Leikmenn ensku stórliðanna kvarta við leikmannasamtökin Gætu hent Crystal Palace út úr Evrópudeildinni Man. City vill fá bakvörð frá Úlfunum Beckham óánægður með hegðun leikmanna Manchester United Hákon mun slást við Kelleher um stöðuna Rauðu djöflarnir staðfesta kaup á Cunha Sjá meira
Vilja sjá Þórólf hugsa líka um konurnar: „Gæti gert þetta að ríkasta liði landsins“ Íslenski boltinn
Vilja sjá Þórólf hugsa líka um konurnar: „Gæti gert þetta að ríkasta liði landsins“ Íslenski boltinn