Kante gerir langan samning við Chelsea

Chelsea tilkynnti í morgun að miðjumaðurinn N'Golo Kante væri búinn að skrifa undir nýjan fimm ára samning við félagið.

Hann er því samningsbundinn félaginu til ársins 2023. Frakkinn er 27 ára gamall í dag og mun því eyða bestu árum ferilsins hjá Lundúnafélaginu.

Kante var lykilmaður í meistaraliði Leicester City en var svo keyptur til Chelsea. Hann hefur skorað þrjú mörk í 81 leik fyrir félagið.

„Þetta hafa verið yndisleg tvö ár og ég get ekki beðið eftir næstu árum,“ sagði Kante.