Skurðlæknum í Ástralíu hefur tekist að aðskilja fimmtán mánaða gamla síamstvíbura frá smáríkinu Bhutan.
Aðgerðin tók sex klukkutíma en systurnar Nima og Dawa Pelden voru samvaxnar á búk og deildu lifur.
Læknar segja að aðgerðin hafi heppnast fullkomlega og að stúlkurnar sjái nú fram á eðlilegt líf í framtíðinni.
Síamstvíburar eru afar sjaldgæfir en talið er að slíkt gerist í einni af tvöhundruðþúsund fæðingum. Að auki fæðast flest slík börn andvana.
Tókst að aðskilja síamstvíbura
