Rjúpnaveiði hefst föstudaginn 26. október og eins og síðustu ár eru veiðidagar tólf talsins sem dreifist á fjórar helgar.
Mikil umræða er eins og síðustu ár varðanda það kerfi sem er við lýði og þá sérstaklega þegar stofninn hefur verið að taka vel við sér. Veiðimenn hafa bent á að kerfið býður upp á að menn hætti sér út í slæmt veður og hafa haldið upp i þeim vörnum að það sé afar ólíklegt að veiðiálag aukist ef veiðidagar væru fleiri. Ástæðan er einfaldlega sú að flestar rjúpnaskyttur eru að ná sér í jólamatinn og láta sér það nægja en það eru örfáir sem ganga mikið, skjóta mikið og eru að koma rjúpum á vini og vandamenn. Einhver tilfelli eru þekkt þar sem rjúpur ganga kaupum og sölum en það er langt frá því að vera vandamál eða stærð sem skiptir máli að mati þeirra sem til þekkja. Það skal tekið fram að sala á rjúpum er ólögleg.
Fjöldi veiðidaga eru 12 sem skiptast á fjórar helgar, þ.e. síðustu helgina í október og fyrstu þrjár í nóvember:
- föstudaginn 26. október, laugardaginn 27. október og sunnudaginn 28. október
- föstudaginn 2. nóvember, laugardaginn 3. nóvember og sunnudaginn 4. nóvember
- föstudaginn 9. nóvember, laugardaginn 10. nóvember og sunnudaginn 11. nóvember
- föstudaginn 16. nóvember, laugardaginn 17. nóvember og sunnudaginn 18. nóvember
Arsenal
Real Madrid
