176 laxa holl í Haffjarðará

Haffjarðará hefur síðustu 15 ár verið yfir 1.000 laxa á hverju ári að einu undanskildu en það var árið 2014.

Sumarið núna hefur verið með allra besta móti og veiðin verið það góð að það má alveg reikna með því að heildarveiðin gæti farið vel yfir 1.500 laxa og jafnvel hærra en það.  Síðasta holl sem var við veiðar í ánni lauk veiðum með 171 lax á land en aðeins var veitt á fjórar stangir af fimm.  "Hollið sem er við veiðar núna er líklega aðeins að veiða á þrjár stangir sem á kannski eftir að bitna aðeins á veiðitölum en það er svo sem ekkert sem þessir veiðimenn eru að hugsa mikið um heldur það að vera við ánna og njóta" sagði Einar Sigfússon í samtali við Veiðivísi.

Það hafa verið góðar göngur í ána síðustu daga og þó svo að það dragi úr göngum á næstunni eins og gerist á þessum árstíma þá á það litlu um veiðina því eins og veiðitölurnar hafa borið með sér ef nóg af laxi í ánni.  Heildarveiðin í ánni er komin yfir 900 laxa.