Óskar Örn Hauksson, leikmaður KR, skoraði sigurmark KR á móti gríðarlegum mikilvægum 1-0 sigri á móti Stjörnunni á sunnudagskvöldið en með stigunum þremur komst KR aftur í baráttuna um Evrópusæti.
Óskar Örn er nú búinn að skora fimmtán tímabil í röð í efstu deild eða síðan hann kom fyrst í deild þeirra bestu með Grindavík árið 2004. Hann er í heildina búinn að skora 65 mörk fyrir KR og Grindavík í efstu deild í 265 leikjum.
„Þetta er risastórt afrek fyrir frábæran leikmann,“ sagði Freyr Alexandersson, landsliðsþjálfari kvenna og sérfræðingur Pepsi-markanna, Njarðvíkinginn sem hefur hrellt varnarmenn í hálfan annan áratug.
„Það eina sem ég veit er, að þegar ég þjálfaði leikni og var aðstoðarþjálfari Vals hataði ég að spila á móti Óskari,“ bætti hann við.
„Þetta er ótrúlegur leikmaður og ég óska honum til hamingju með þetta en hann má alveg skora meira í ár. Það er enginn aldur á þessum gæja,“ sagði Freyr.
Alla umræðuna má sjá í spilaranum hér að ofan.
Skorað í efstu deild 15 ár í röð: „Ótrúlegur leikmaður sem ég hataði að spila á móti“
Tengdar fréttir
Pepsi-mörkin: „Átakanlegt“ að horfa á Viðar Ara í Kópavoginum
Viðar Ari Jónsson fékk útreið í Pepsi-mörkunum eftir slæman dag á skrifstofunni.
Pepsi-mörkin: Keflavík að ganga í gegnum helvíti
Keflvíkingar eru svo gott sem fallnir en þeir verða að sýna meira hjarta og meiri baráttu.
Pepsi-mörkin: Andri Rafn að verða einn besti miðjumaður deildarinnar
Andri Rafn Yeoman hefur farið á kostum í liði Breiðabliks í Pepsi deild karla að undanförnu. Hann var valinn maður leiksins þegar Breiðablik vann FH í 13. umferðinni um helgina.
