Eggjum kastað í Suður-Kóreumenn

Suður Kórea er úr leik á HM þrátt fyrir sigur á Þjóðverjum í lokaleik riðlakeppninnar. Leikmennirnir snéru aftur til heimalandsins í gær og fengu þar óblíðar móttökur frá nokkrum stuðningsmönnum.

Um fimm hundruð stuðningsmenn mættu á alþjóðaflugvöllinn í Incheon til þess að taka á móti liðinu. Flestir tóku liðinu vel en þó var nokkrum eggjum kastað í átt að liðinu.

Kóreumennirnir eru ekki óvanir slíku athæfi en fyrir fjórum árum síðan var sælgæti kastað í átt að leikmönnunum þegar þeir snéru heim eftir mikið vonbrigðamót í Brasilíu, athæfi sem er móðgandi í kóreskri menningu.

Slíkar móttökur hefðu líklega beðið liðinu aftur í ár ef ekki hefði verið fyrir sigurinn á Þjóðverjum í lokaleiknum en hann lyfti viðhorfi almennings gagnvart frammistöðu liðsins.

계란 투척 pic.twitter.com/qcZgsHtmhq

— 붉은화강암™ (@1689hae) June 29, 2018