„Já, besti framherjinn,“ sagði Gunnleifur Gunnleifsson. „Það er oft talað um besta leikmann í heimi og þá er talað um Ronaldo og Messi samanburðinn en þegar er talað um bara besta sóknarmanninn í heimi þá er Ronaldo barinn saman við menn eins og Robert Lewandowski, Luis Suarez og Harry Kane.“
„Að mínu mati er Ronaldo besti framherjinn í heiminum í dag.“
Jón Þór Hauksson tók undir það með honum. „Ég dáist að Ronaldo, hvernig þróunin á hans ferli hefur verið. Byrjar sem eldfljótur kantmaður með öll trikkin sín en á seinni skipunum á ferlinum nær hann að þróa sig upp á nýtt sem framherji.“
Það var einnig farið yfir næsta leik í riðli okkar Íslendinga, leik Króata og Argentínu, og hvaða treyja sé fallegust í mótinu.
Sumarmessan er á dagskrá á Stöð 2 Sport klukkan 21:00 að kvöldi hvers leikdags á HM.
