Hættið að hugsa um Instagram og hendið Mið-Ísland gaurunum út af hótelinu

Halldór Björnsson, fyrrum þjálfari 17 ára landsliðs karla í fótbolta, hvetur íslensku strákana áfram með færslu á Twitter en íslenska liðið tapaði á móti Nígeríu í dag.

Halldór notar um leið tækifærið og skýtur aðeins á undirbúning íslenska liðsins fyrir leikinn við Nígeríumenn. Hann þekkir vel til hjá KSÍ og hefur komið að þjálfun yngsta landsliðsfólksins okkar á undanförnum árum

Halldór ýjar að því að utankomandi hlutir hafi verið að trufla íslenska liðið í aðdraganda leiksins í dag.

Landliðsmaðurinn Rúrik Gíslason var orðin stjarna á Instragram eftir Argentínuleikinn og liðið fékk einnig heimsókn frá íslenska Mið-Ísland grínhópnum. 

ok nú er bara taka niður sólgleraugun, hætta hugsa um þetta instagram bull og henda þessum Mið-Ísland gaurum út af hótelinu upp með hausinn,út með kasann, upp á hótel að leikgreina og svo beint á æfingasvæðið og upp úr þessum riðli

ÁFRAM ÍSLAND

— Halldór Björnsson (@HalldorBj) June 22, 2018