Veiðitölur vikunnar komnar

Nú eru árnar að opna hver af annari og þá fer að verða gaman að uppfæra vikulegar veiðitölur en þær fyrstu eru komnar í hús.

Landssamband veiðifélaga heldur utan um samantekt á veiðitölum úr flestum ánum og þar má sjá heildarveiði og vikuveiði ásamt fróðleik um árnar sjálfar.  Það eru ekki margar ár komnar inn á listann eins og er enda tímabilið nýhafið en heildarveiðin í þeim ám sem eru komnar er sem segir.

Urriðafoss       211 laxar

Norðurá            95 laxar

Blanda              52 laxar

Þessar tölur gefa ekki beint rétta mynd heldur af neinu því aðstæður í þessum þremur ám hafa verið afar erfiðar.  Mikið vatn og litað í Þjórsá og Blöndu.  Norðurá er í ca. 30 rúmmetrum og það hefur verið bæði kalt og hvasst við ánna síðustu daga.  Ástandið í Þverá er betra en hún er líklega að detta í 100 laxa fljótlega eftir frábæra opnun.  Þar er gott vatn og lax að ganga í góðum skilyrðum.  Hún er þó ekki á listanum en verður það með uppfærðum veiðitölum í næstu viku.  Til að skoða listann í heild sinni í sumar þá má finna hann á www.angling.is