Heimir þakklátur Rússum

Heimir Hallgrímsson og Aron Einar Gunnarsson sátu fyrir svörum á blaðamannafundi í dag. Fundurinn fór fram á Spartak-vellinum þar sem Ísland mætir Argentínu á morgun.

Heimir hóf fundinn á því að óska Rússum til hamingju með sigurinn í leiknum í gær. Þumall upp og Rússarnir elskuðu það.

„Móttökur hafa verið mjög góðar og ég er þakklátur fyrir það. Ég er ánægður með staðarvalið. Erum á fallegum og yndislegum stað í Kabardinka þar sem fólkið er vingjarnlegt. Vonandi náum við að endurgjalda það," sagði þjálfarinn léttur.

Vísir er með öflugt teymi í Rússlandi sem verður með ítarlegan fréttaflutning af íslenska liðinu á HM. Fylgist með á samfélagsmiðlum okkar - á Facebook, Twitter og Instagram.