Júnímánuður hefur verið mikill vandræðamánuður fyrir Stjörnumenn eftir að þeir tryggðu sér sinn fyrsta Íslandsmeistaratitil sumarið 2014 en nú lítur út fyrir að breyting verði á því.
Stjarnan byrjaði júnímánuð 2018 mjög vel eða með 1-0 útisigri á toppliði Breiðabliks á Kópavogisvellinum í gærkvöldi.
Stjörnuliðið er þar með búið að þrefalda stigafjölda júnímánaðar í fyrra þegar Garðabæjarliðið fékk aðeins eitt stig í fjórum leikjum.
Stjarnan var á toppnum þegar júnímánuður rann í garð í fyrra (13 stig í 5 leikjum) en tapaði síðan þremur fyrstu leikjunum sínum í júní og missti í kjölfarið af lestinni í baráttunni um Íslandsmeistaratitilinn.
Sigurinn í gærkvöldi sá hinsvegar til þess að Garðbæjarliðið er komið aftur inn í toppbaráttunni eftir rólega byrjun.
Stjörnumenn eru líka komnir með jafnmörg stig í júní í ár og þeir fengu allan júnímánuð sumar 2016.
Þetta er jafnframt í fyrsta sinn síðan 2014 sem Stjarnan fær stig í fyrsta leik júnímánaðar og fyrsta sinn síðan 2013 sem Garðabæjarliðið fagnar sigri í fyrsta leik sínum í júní.
Stjarnan í júnímánuði síðustu sumur:
2014 - 11 stig af 15 mögulegum
2015 - 6 stig af 12 mögulegum
2016 - 3 stig af 9 mögulegum
2017 - 1 stig af 12 mögulegum
2018 - 3 stig af 3 mögulegum
Stjörnumenn þrefölduðu stigafjöldann í fyrsta leiknum í júní
Óskar Ófeigur Jónsson skrifar

Mest lesið

Gætu hent Crystal Palace út úr Evrópudeildinni
Enski boltinn




Vildi halda áfram með Stólana
Körfubolti


Leikmenn ensku stórliðanna kvarta við leikmannasamtökin
Enski boltinn



Dómarinn fékk gult spjald og glotti
Fótbolti