Sjáðu þegar Heimir og Gylfi hittu blaðamenn í Laugardalnum

Heimir Hallgrímsson, þjálfari íslenska karlalandsliðsins í fótbolta hélt blaðamannafund í dag fyrir vináttulandsleikinn á móti Gana á morgun og við hlið hans var landsliðsmaðurinn Gylfi Þór Sigurðsson.

Leikurinn á móti Gana verður síðasti undirbúningsleikur íslenska landsliðsins fyrir HM í Rússlandi sem hefst í næstu viku.

Leikurinn við Gana fer fram á Laugardalsvellinum klukkan átta annað kvöld og þar fá strákarnir okkar tækifæri til að kveðja íslensku þjóðina með sigri.

Íslenska landsliðið flýgur síðan út til Rússlands á laugardaginn.

Í spilaranum hér fyrir ofan er hægt að sjá útsendinguna frá fundinum sem var í beinni á Vísi. 

Heimir Hallgrímsson og Gylfi Þór Sigurðsson svöruðu þar spurningum blaðamanna sem komu víðsvegar að úr heiminum.