Strákarnir ánægðir að sjá Aron Einar á svæðinu: Myndir frá æfingunni í dag

Aron Einar Gunnarsson, fyrirliði íslenska karlalandsliðsins í fótbolta, er kominn heim til Íslands frá Katar og hann var á sinni fyrstu æfingu með íslenska liðinu í Laugardalnum í dag.

Aron Einar hefur verið í meðferð í Katar til að flýta endurhæfingu sinni eftir að hafa meiðst í leik með Cardiff City á dögunum.

Margir fengu sjokk þegar fréttist af meiðslum landsliðsfyrirliðans en það var létt yfir kappanum þegar hann mætti á svæðið í dag.

Það var líka að sjá á hinum strákunum í liðinu að þeir voru ánægðir að sjá fyrirliðann sinn á svæðinu.

Vilhelm Gunnarsson, ljósmyndari Vísis, var á æfingunni í Laugardalnum í dag og tók þessar flottu myndir hér fyrir neðan.