Með 106 kókaínhylki innvortis

Lögregla á Indlandi náði 106 kókaínhylkjum úr konu sem er talin hafa ætlað að smygla þeim inn í landið.

Konan, sem er 25 ára erlendur ríkisborgari, var handtekin á alþjóðaflugvellinum í Delí þann 14. maí síðastliðinn. Hún hefur dvalið á sjúkrahúsi síðan þar sem henni voru gefin hægðalosandi lyf og eiturlyfin þannig endurheimt.

Í frétt BBC kemur fram að konan hafi innbyrt hylkin í borginni Sao Paulu í Brasílíu og henni hafi verið ætlað að afhenda þau nígerískum ríkisborgara í Delí. Þá er verðmæti efnanna talið  nema rúmum 76 milljónum íslenskra króna.

Lögregluyfirvöld þar í borg tjáðu fjölmiðlum á Indlandi að þau hefðu aldrei náð svo mörgum kókaínhylki úr manneskju. Leit stendur yfir að nígeríska ríkisborgaranum sem konan hafði mælt sér mót við.