„Látum drauminn verða að veruleika“

FIFA hefur opinberað slagorðið sem verður á liðsrútu íslenska landsliðsins á HM í Rússlandi; „Látum drauminn verða að veruleika.“

Hyundai stóð fyrir kosningu á slagorðinu, líkt og var gert fyrir EM 2016. Þá varð „Áfram Ísland!“ fyrir valinu en nú var splæst í aðeins fleirri stafabil.

Íslenska landsliðið er hægt og rólega að koma saman til æfinga. Í dag komu níu leikmenn til viðbótar við þá fimm sem fyrir voru til æfinga á Laugardagsvelli.

Ísland hefur leik á HM eftir 23 daga, þann 16. júní, þegar liðið mætir Argentínu í Moskvu.

Búið er að opinbera slagorðið sem varð fyrir valinu í kosningu sem @Hyundai_Global stóð fyrir. Þessi fallegu orð munu prýða liðsrútu @footballiceland í Rússlandi á #WorldCup#betherepic.twitter.com/UEjDoCl7U2

— Pétur Hreinsson, FIFA (@FIFAWorldCupISL) May 24, 2018