Fótbolti

Meiddur Neymar í HM-hóp Brasilíu

Anton Ingi Leifsson skrifar
Neymar er í kapphlaupi við tímann.
Neymar er í kapphlaupi við tímann. vísir/afp
Neymar er í HM hóp Brasilíu en þetta var tilkynnt nú rétt í þessu. Kappinn hefur glímt við meiðsli en er í hópnum nokkuð óvænt.

Neymar hefur verið valinn í 23 manna hóp Brasilíu en hann hefur ekkert spilað síðan hann meiddist í leik gegn Marseille í mars.

Brasilíski sóknarmaðurinn er nú í kapphlaupi við tímann að ná að vera klár fyrir fyrsta leik Brasilíu sem er sautjánda júní gegn Sviss.

Liðið er einnig með Kosta Ríka og Serbíu í riðli en Dani Alves verður ekki með á mótinu vegna meiðsla. David Luiz er einnig ekki í hópnum en hann hefur ekki verið valinn í tæp tvö ár.

Sex leikmenn úr ensku úrvalsdeildinni eru í brasilíska hópnum en það eru Ederson, Danilo, Fernandinho, Willian, Gabriel Jesus og Roberto Firmino. Fimm frá City og Firmino frá Liverpool.

HM 2018 í Rússlandi

Mest lesið


Fleiri fréttir

Sjá meira


×

Mest lesið