Pepsimörkin: Fjölnir færði FH gjafir

Leikur Fjölnis og FH í Egilshöllinni var skrautlegur og stórskemmtilegur. Reynir Leósson skoðaði í Pepsimörkunum hvernig FH fór að því að vinna leikinn.

„Á ég að segja þér af hverju FH vann? Fjölnir færði þeim gjafir,“ sagði Reynir er hann teiknaði upp fyrsta mark FH þar sem varnarleikur Fjölnis var ekki til útflutnings.

„Óli Palli spyr sig að því af hverju hans lið tapaði leiknum? Markmaðurinn hans var í vitleysunni og það mark var önnur gjöf. Fjölnir spilaði vel í leiknum en var að færa FH-ingum gjafir á silfurfati.“

Sjá má greiningu Reynis hér að neðan.