Sjáðu frábært sigurmark Atla og eftirminnilegt fyrsta mark í Eyjum

KR vann sterkan útsigur gegn Stjörnunni í annarri umferð Pepsi-deildar karla í fótbolta í gærkvöldi en sigurmarkið skoraði Atli Sigurjónsson á 88. mínútu með þrumufleyg.

Atli fékk svo rautt spjald mínútu síðar. Eftirminnilegar lokamínútur hjá Atla og KR-ingum sem eru með þrjú stig eftir tvo leiki en Stjarnan með aðeins eitt stig.

Ágúst Leó Björnsson skoraði jöfnunarmark fyrir ÍBV á 85. mínútu á móti Fjölni eftir að koma inn á sem varamaður tveimur mínútum áður. Þetta var fyrsta mark hans í efstu deild en mark Fjölnis skoraði Valmir Berisha.

Nýliðar Fylkis unnu svo góðan sigur á KA með mörkum Emils Ásmundssonar og Jonathan Glenn. KA með aðeins eitt stig eftir tvær umferðir og tvo leiki í Egilshöllinni.

Öll mörk gærkvöldsins má sjá hér að neðan.

Stjarnan - KR 2-3

Fylkir - KA 2-1

ÍBV - Fjölnir 1-1