Fjölnir fær Svía að láni

Fjölnir hefur fengið til sín sænska framherjann Valmir Berisha að láni. Félagið staðfesti þetta í dag.

Svíinn kemur á láni til 19. júli með möguleika á framlengingu út tímabilið. Hann spilaði æfingaleik með Fjölni á dögunum gegn Fylki og opnaði þar markareikning sinn með félaginu.

Ólafur Páll Snorrason, þjálfari Fjölnis, sagði í Akraborginni í síðustu viku að hann væri „ungur leikmaður sem þarf að halda utan um og byggja upp.“

Berisha lék síðast fyrir Álasund í Noregi en náði ekki að skora mark fyrir félagið í 23 leikjum í norsku úrvalsdeildinni.

Fjölnir hefur leik í Pepsi deildinni á laugardaginn þegar Grafarvogsmenn taka á móti KA í Egilshöllinni.

Valmir Berisha í Fjölni

Valmir er 21 árs gamall kemur á láni til 19. júlí með möguleika á framlengingu út tímabilið. Valmir opnaði markareikninginn fyrir Fjölni er hann spilaði seinni hálfleikinn í æfingaleik gegn Fylki á dögunum. #FélagiðOkkarpic.twitter.com/kmGu3IVq4Z

— Fjölnir FC (@Fjolnir_FC) April 23, 2018