Stuðningsmenn réðust á eigin leikmann

Stuðningsmenn ítalska félagsins Bologna réðust á leikmann liðsins, Blerim Dzemaili, þegar hann var á leið heim af æfingu í dag. Ítalskir fjölmiðlar greina frá þessu.

Samkvæmt Il Resto biðu þrír stuðningsmenn eftir leikmönnunum fyrir utan æfingasvæði þeirra. Þeir báðu Dzemaili að skrúfa niður rúðuna í bíl sínum og sögðust vilja fá eiginhandaráritanir frá Svisslendingum.

Í staðinn reyndi einn stuðningsmannanna hins vegar að kýla Dzemaili í andlitið. Dzemaili náði að víkja frá högginu og keyra í burtu án þess að til frekari átaka kæmi.

Starfsmenn Bologna hringdu á lögregluna en stuðningsmennirnir höfðu látið sig hverfa áður en yfirvöld mættu á svæðið. Talið er að þeir hafi ætlað að ná sér í áritaðan varning til þess að selja.