Hítará fer í útboð

Hítará er ein af vinsælustu veiðiám landsins og hefur verið innan SVFR um árabil en nýlega var auglýsing birt þess efnis að hún sé að fara í útboð.

Það hefur verið mikið sótt í veiði í Hítará í gegnum árin og þrátt fyrir að veiðin hafi verið upp og ofan sum árin er heilt yfir góð veiði í ánni.  Það fylgir dvölinni mikill sjarmi þegar gist er í gamla húsinu en það er, eins og engum sem hefur dvalist í því, mjög komið til ára sinna og ljóst að það fer að renna upp sá tími að annað hvort þurfi að taka húsið vel í gegn eða reisa nýtt við ánna.

Umræðan hefur verið sú að nýlegt útboð á Straumfjarðará sem SVFR fékk með hæsta boði upp á 35 milljónir hafi aðeins hrist upp í landeigendum við Hítará en árnar eru báðar mjög vinsælar þó það sé veitt á færri stangir í Straumfjarðará er veiði pr stöng ekkert mjög ólík.  Það verður mjög fróðlegt að sjá hvernig þetta útboð fer en það verður að teljast líklegt að flestir stærri veiðileyfasalar landsins komi til með að taka þátt í því enda áin einn af bitastæðustu veiðisvæðunum á vesturlandi.