Tveimur of mikið Kristín Þorsteinsdóttir skrifar 17. febrúar 2018 07:00 Fangi á Kvíabryggju féll fyrir eigin hendi í vikunni. Þetta er í annað skipti á innan við ári, sem slíkt gerist í fangelsum landsins. Þetta er tveimur of mikið. Formaður Afstöðu, félags fanga, sagði í viðtali hér í blaðinu fyrir nokkrum dögum, að enginn geðlæknir hafi komið á Litla-Hraun frá árinu 2013. Og bætir við: „Öðru hvoru taka pólitíkusar sig til og tala um að nú verði að fara í þessi mál. Hingað til hefur lítið verið gert. Það er leiðinlegt að sjálfsvíg þurfi að koma til til að fólk sjái að við erum hérna.“ Ríkisendurskoðun gerði athugasemdir við ástand heilbrigðis- og geðheilbrigðisþjónustu í fangelsum landsins árið 2010. Sú athugasemd var ítrekuð 2013, 2015 og 2017. Á grundvelli athugasemdanna var skipaður starfshópur í árslok 2015 til að fara yfir málið og átti hann að skila af sér fullnustuáætlun. Sú vinna virðist ganga hægt. Skjólstæðingar Fangelsismálastofnunar eru nálægt 550, en hjá stofnuninni starfa þrír sálfræðingar, tveir félagsráðgjafar og einn námsráðgjafi, en enginn geðlæknir. Ekki þarf sérfræðing til að sjá að úrbóta er þörf ef ætlunin er, líkt og stjórnvöld láta í veðri vaka, að fá út úr fangelsunum betra fólk en fór þar inn. Endurkoma fanga er stórt, samfélagslegt og dýrt vandamál. Um helmingur fanga sem eru í afplánun í fangelsunum hafa áður setið inni. Beinn kostnaður við hvern og einn er nálægt tíu milljónum króna á ári. Til mikils er að vinna í þeirri viðleitni að bjóða þeim betrunarvist sem lenda á glapstigum og brjóta af sér. Oftast er um að ræða kornunga karlmenn sem ættu að eiga framtíðina fyrir sér. Fangelsiskerfið er fjársvelt og undirmannað. Forgangsröðun fjármuna er oft á tíðum furðuleg. Þótt vissulega hafi verið þörf á nýju fangelsi á Hólmsheiði má öllum vera ljóst að steinsteypa ein og sér mun litlu breyta um framtíð þessa fólks. Þvert á móti þarf að fjárfesta í fólki; fagfólki, kennurum og öðru starfsfólki inn í fangelsin. Sálfræðimeðferðir, samtöl, kennsla og vinna. Í slíku umhverfi á sér stað raunveruleg betrunarvist. Þannig getum við breytt einhverju. Undanfarið hefur peningum verið veitt til lögreglu til rannsóknar á ákveðnum málaflokki, sem er vel. Ekkert slíkt virðist vera í farvatninu í fangelsiskerfinu. Þvert á móti voru fjárframlög til Fangelsismálastofnunar lækkuð um sautján milljónir króna í síðustu fjárlögum. Ætli við stöndum undir því að kalla fangelsisvist hér á landi betrunarvist? Varla. Í þessum orðum felst enginn áfellisdómur yfir fólkinu sem starfar í fangelsunum. Það vinnur innan þess ramma, sem því er markaður. Við sem samfélag verðum að gera betur. Í þessum efnum borgar sig ekki að spara aurinn en kasta krónunni. Viltu birta grein á Vísi? Sendu okkur póst. Senda grein Birtist í Fréttablaðinu Kristín Þorsteinsdóttir Mest lesið Við fylgjum þér frá getnaði til grafar Benedikt S. Benediktsson Skoðun Mega einhverf hverfa? Ármann Pálsson,Björg Torfadóttir,Sigrún Ósk,Sigurjón Már,Halldóra Hafsteins,Guðlaug Svala Kristjánsdóttir,Mamiko Dís Ragnarsdóttir Skoðun Ef þið bara hefðuð séð heiminn út frá mínum augum: Börn & ADHD Stefán Þorri Helgason Skoðun Konur á örorku Sigríður Ingibjörg Ingadóttir,Steinunn Bragadóttir Skoðun Ekki sama hvaðan gott kemur Magnea Gná Jóhannsdóttir Skoðun Greindarskerðing eða ofurgáfur með gervigreind Björgmundur Örn Guðmundsson Skoðun Börn í meðferð eiga rétt á fagfólki orð duga ekki lengur! Steindór Þórarinsson Skoðun Að hafa hemil á nýjum ófjármögnuðum útgjöldum er lykillinn að sjálfbærum rekstri sveitarfélaga Jón Ingi Hákonarson Skoðun Homo sapiens að öðrum toga: Af hverju ætti ég eiginlega að mæta á PIFF-kvikmyndhátíðina? Ólafur Guðsteinn Kristjánsson Skoðun 112. liðurinn í aðgerðaáætlun í menntamálum? Ingólfur Ásgeir Jóhannesson Skoðun
Fangi á Kvíabryggju féll fyrir eigin hendi í vikunni. Þetta er í annað skipti á innan við ári, sem slíkt gerist í fangelsum landsins. Þetta er tveimur of mikið. Formaður Afstöðu, félags fanga, sagði í viðtali hér í blaðinu fyrir nokkrum dögum, að enginn geðlæknir hafi komið á Litla-Hraun frá árinu 2013. Og bætir við: „Öðru hvoru taka pólitíkusar sig til og tala um að nú verði að fara í þessi mál. Hingað til hefur lítið verið gert. Það er leiðinlegt að sjálfsvíg þurfi að koma til til að fólk sjái að við erum hérna.“ Ríkisendurskoðun gerði athugasemdir við ástand heilbrigðis- og geðheilbrigðisþjónustu í fangelsum landsins árið 2010. Sú athugasemd var ítrekuð 2013, 2015 og 2017. Á grundvelli athugasemdanna var skipaður starfshópur í árslok 2015 til að fara yfir málið og átti hann að skila af sér fullnustuáætlun. Sú vinna virðist ganga hægt. Skjólstæðingar Fangelsismálastofnunar eru nálægt 550, en hjá stofnuninni starfa þrír sálfræðingar, tveir félagsráðgjafar og einn námsráðgjafi, en enginn geðlæknir. Ekki þarf sérfræðing til að sjá að úrbóta er þörf ef ætlunin er, líkt og stjórnvöld láta í veðri vaka, að fá út úr fangelsunum betra fólk en fór þar inn. Endurkoma fanga er stórt, samfélagslegt og dýrt vandamál. Um helmingur fanga sem eru í afplánun í fangelsunum hafa áður setið inni. Beinn kostnaður við hvern og einn er nálægt tíu milljónum króna á ári. Til mikils er að vinna í þeirri viðleitni að bjóða þeim betrunarvist sem lenda á glapstigum og brjóta af sér. Oftast er um að ræða kornunga karlmenn sem ættu að eiga framtíðina fyrir sér. Fangelsiskerfið er fjársvelt og undirmannað. Forgangsröðun fjármuna er oft á tíðum furðuleg. Þótt vissulega hafi verið þörf á nýju fangelsi á Hólmsheiði má öllum vera ljóst að steinsteypa ein og sér mun litlu breyta um framtíð þessa fólks. Þvert á móti þarf að fjárfesta í fólki; fagfólki, kennurum og öðru starfsfólki inn í fangelsin. Sálfræðimeðferðir, samtöl, kennsla og vinna. Í slíku umhverfi á sér stað raunveruleg betrunarvist. Þannig getum við breytt einhverju. Undanfarið hefur peningum verið veitt til lögreglu til rannsóknar á ákveðnum málaflokki, sem er vel. Ekkert slíkt virðist vera í farvatninu í fangelsiskerfinu. Þvert á móti voru fjárframlög til Fangelsismálastofnunar lækkuð um sautján milljónir króna í síðustu fjárlögum. Ætli við stöndum undir því að kalla fangelsisvist hér á landi betrunarvist? Varla. Í þessum orðum felst enginn áfellisdómur yfir fólkinu sem starfar í fangelsunum. Það vinnur innan þess ramma, sem því er markaður. Við sem samfélag verðum að gera betur. Í þessum efnum borgar sig ekki að spara aurinn en kasta krónunni.
Mega einhverf hverfa? Ármann Pálsson,Björg Torfadóttir,Sigrún Ósk,Sigurjón Már,Halldóra Hafsteins,Guðlaug Svala Kristjánsdóttir,Mamiko Dís Ragnarsdóttir Skoðun
Að hafa hemil á nýjum ófjármögnuðum útgjöldum er lykillinn að sjálfbærum rekstri sveitarfélaga Jón Ingi Hákonarson Skoðun
Homo sapiens að öðrum toga: Af hverju ætti ég eiginlega að mæta á PIFF-kvikmyndhátíðina? Ólafur Guðsteinn Kristjánsson Skoðun
Mega einhverf hverfa? Ármann Pálsson,Björg Torfadóttir,Sigrún Ósk,Sigurjón Már,Halldóra Hafsteins,Guðlaug Svala Kristjánsdóttir,Mamiko Dís Ragnarsdóttir Skoðun
Að hafa hemil á nýjum ófjármögnuðum útgjöldum er lykillinn að sjálfbærum rekstri sveitarfélaga Jón Ingi Hákonarson Skoðun
Homo sapiens að öðrum toga: Af hverju ætti ég eiginlega að mæta á PIFF-kvikmyndhátíðina? Ólafur Guðsteinn Kristjánsson Skoðun